Уақыт — сіздің ең құнды активіңіз. Жұмыс күніңіздің жартысын Арнайы ХҚКО-ға баруға, өтініш толтыруға және кезекте тұруға құртқанша, бұл ресурсты бизнесті дамытуға, инвест-портфельді талдауға немесе жай ғана өзіңізге арнауға болады.

Енді көліктің техпаспортын (КҚТК) Kaspi.kz суперқолданбасында небәрі бір сағат ішінде толығымен онлайн ауыстыруға болады. Көлік иелері үшін басты артықшылық: жаңа цифрлық құжат смартфонда лезде пайда болады. Пластик түпнұсқасын күтпестен, дәл сол күні тиімдірек шарттармен автосақтандыруды қайта рәсімдеу үшін оны бірден пайдалана аласыз.

Сервисті Kaspi.kz ІІМ және Цифрлық даму министрлігімен бірлесіп әзірледі.

«Kaspi.kz көмегімен көлікті қайта рәсімдеуге, жүргізуші куәлігін ауыстыруға және машинаны кепілден шығаруға болады. Ал енді техпаспортты ауыстыру да тікелей смартфон экранында қолжетімді. Біз адамдарға мәселелерін тез әрі оңай шешуге көмектесетін сервистерді жасауға қуаныштымыз. Мемлекеттік органдарға ынтымақтастығы үшін алғыс айтамыз!» — деп атап өтті Kaspi.kz негізін қалаушылардың бірі және басшысы Михаил Ломтадзе.

«Kaspi.kz-те бұл қызметтің іске қосылуы — мемлекет пен бизнестің бірлескен жұмысы азаматтарды ХҚКО-ларға артық барудан қалай босататынының және олардың уақытын қалай үнемдейтінінің тамаша мысалы», — деп қосты ҚР Жасанды интеллект және цифрлық даму вице-министрі Ростислав Коняшкин.

Кәсіпкерлерге арналған нюанстар: лизинг және ЖШС-ге тіркелген көлік

Онлайн ауыстыру қызметі жеке тұлғаларға арналған. Егер көлік сіздің атыңызға рәсімделген болса, бүкіл процесс бірнеше рет басу арқылы өтеді.

Ал егер сіздің автомобиліңіз заңды тұлғаға (ЖШС) рәсімделген болса немесе автолизингте болса, құжаттарды онлайн ауыстыру мүмкін емес. Лизингтік көлікке қатысты кез келген тіркеу әрекеттері лизинг компаниясының ресми рұқсатын және Арнайы ХҚКО-ға жеке баруды талап етеді.

Қандай жағдайларда құжатты онлайн жаңартуға болады?

Смартфон арқылы өтінімді мына жағдайларда беруге болады:

• сіздің жеке деректеріңіз (тегіңіз, атыңыз, әкеңіздің аты) немесе тіркелген мекенжайыңыз өзгерсе;

• көліктің мемлекеттік нөмірін ауыстыруды шешсеңіз;

• ескі құжат жоғалса немесе бүлінсе.

Маңызды: Онлайн ауыстыру қызметі, егер ескі техпаспортта қателер болса немесе көлікті қайта жабдықтаған болсаңыз (мысалы, газ орнатсаңыз), жүзеге аспайды. Бұл жағдайларда Арнайы ХҚКО-ға баруға тура келеді.

Бұл қалай жұмыс істейді:

1. Kaspi.kz қосымшасын ашып, Мемлекеттік қызметтер → Автомобиль техпаспортын ауыстыру бөліміне өтіңіз және экрандағы нұсқауларды орындаңыз. Осы жерде мемлекеттік баж салығын — 1,25 АЕК төлеу қажет болады.

2. Мемлекеттік органдар өтінімді 1 сағат ішінде (жұмыс уақытында) қарайды. Статусты Мемлекеттік қызметтер → Менің өтінімдерім бөлімінде тексеруге болады.

3. Қосымшаға мемлекеттік органдардың шешімі көрсетілген хабарлама келеді. Егер өтінім мақұлданса, хабарламада пластик техпаспортты алып кетуге болатын Арнайы ХҚКО мекенжайы көрсетіледі.

Пластикті ұмытамыз: цифрлық құжат

Пластик түпнұсқаны алуға бірден барудың қажеті жоқ. Қазақстанда цифрлық құжаттар қағаз құжаттарға теңестірілген. Өтінім мақұлданған бойда жаңа КҚТК Мемлекеттік қызметтер → Цифрлық құжаттар бөлімінде пайда болады.

«Пластиксіз» жүргеніңіз үшін ешқандай айыппұл жоқ — цифрлық техпаспортты пайдалану мерзімінде шектеулер жоқ. Онымен үнемі алаңсыз көлік жүргізуге, жол полициясы қызметкерлерінің талабы бойынша көрсетуге және МЖӘСМ (ОГПО) немесе КАСКО полисін рәсімдеу кезінде пайдалануға болады.

Егер пластик техпаспорт бәрібір қажет болса

Физикалық құжатты алып кетуді шешкен кезде, Арнайы ХҚКО қызметкеріне Kaspi.kz қосымшасындағы құжаттың дайын екені туралы хабарламаны көрсетіңіз. Жағдайға қарай әрекет етіңіз:

• Ескісін ауыстырсаңыз: құжаттың алдыңғы нұсқасын тапсыра салыңыз.

• Жоғалтып алсаңыз: сол жерде жоғалғаны туралы жазбаша өтініш жазыңыз.

• Ұрлатсаңыз: міндетті түрде АІІБ-ден (РОВД) растайтын анықтама әкеліңіз.

Сирек жағдайларда мемлекеттік органдар құжатты беруден бас тартуы мүмкін. Себебі мен ұсыныстар бірден смартфон экранында көрсетіледі, ал мемлекеттік баж салығы үшін төленген ақша бір сағат ішінде Kaspi Gold картаңызға автоматты түрде қайтарылады.

Жаңа техпаспортты қалай онлайн алуға болатыны және уақытыңызды қалай үнемдеуге болатыны туралы толығырақ Kaspi Гид сервисінен оқыңыз.